SQO-da praımerızge qatysýshylardyń jartysyna jýyǵy - bilim salasy qyzmetkerleri
«Nur Otan» partııasynyń SQO fılıaly baspasóz qyzmetiniń málimetinshe, bilim jáne ǵylym salasynyń ókilderi belsendilik tanytyp otyr. Olardan 270-ke jýyq ótinish kelip tústi. Partııaishilik irikteý úshin qujat tapsyrýshylar arasynda 35 jasqa deıingi jastar shamamen 30% paıyzdy quraıdy.
«Praımerızge qatysýshylardyń 40% - áıelder. Jas mólsheri boıynsha 42% - 35 pen 50 jas aralyǵyndaǵylar. Qatysýshylardyń 270-ke jýyǵy bilim salasy qyzmetkerleri, 70 adam – shaǵyn jáne orta bıznes ókilderi, 52 adam – aýyl sharýashylyǵy qyzmetkerleri. Úmitkerler qatarynda qyzmet kórsetý, densaýlyq saqtaý, sport jáne mádenıet salasynyń ókilderi bar», - deıdi «Nur Otan» partııasy SQOF tóraǵasynyń birinshi orynbasary Ásem Rahmetova.
Depýtat bolǵysy keletinderdiń qatarynda kópbalaly analar da bar. Osyndaı 8 áıel praımerızge qatysýǵa nıet bildirdi. Jambyl aýdanynyń turǵyny Sáýle Suraǵanovanyń aıtýynsha, ol otbasylardyń múddelerin qorǵaǵysy keledi. Bes balanyń anasyna ózekti máseleler jaqsy tanys. Sondaı-aq ol áleýmettik qamsyzdandyrý bóliminiń basshysy bolyp jumys isteıdi.
«Meniń usynysymnyń maqsaty – halyqtyń, onyń ishinde kóp balaly otbasylardyń múddelerin qorǵaý. Osy maqsatqa jetý úshin oblystyq máslıhatqa depýtattyqqa barǵym keledi. Halyqtyń ómirin jaqsartýǵa úles qosý - men úshin mańyzdy», - deıdi úmitker.
Jastar ókilderi praımerızge qatysý arqyly jańa ıdeıalaryn júzege asyrmaq. Stýdent Zámzágúl Jumatova Petropavldaǵy Jumysshy kentiniń máselelerin sheshpek.
«Jumysshy kentindegi kóp páterli turǵyn úılerdiń jaı-kúıi syn kótermeıdi. Olardyń keıbiri apatty jaǵdaıda tur. Sanıtarlyq-ekologııalyq sıpattaǵy, problemalardy jarııa etýdi josparlap otyrmyn», - deıdi Zámzágúl.
