SQO-da bolǵan jol-kólik oqıǵasy tekserilip jatyr

PETROPAVL. KAZINFORM – Soltústik Qazaqstan oblysynda eki polıtsııa qyzmetkeri zardap shekken oqıǵaǵa baılanysty qylmystyq is qozǵaldy.

SQO polıtsııa departamenti baspasóz qyzmetiniń málimetinshe, jol-kólik oqıǵasy «Kókshetaý-Rýzaevka» avtojolynda boldy. Hyundai Elantra qyzmettik avtokóliginiń júrgizýshisi, aldyn ala boljam boıynsha, rýlge ıe bola almaı qalyp, jol jıegine shyǵyp, mashına aýdarylyp qalǵan. Saldarynan ishki ister organdarynyń eki qyzmetkeri túrli dene jaraqatymen emdeý mekemelerine jetkizildi.

- Tártip saqshylary qyzmettik mindetterin atqaryp júrgen. Qazir osy fakti boıynsha tergeý júrgizilip jatyr, oqıǵanyń mán-jaıy anyqtalatyn bolady. Tergeý barysy polıtsııa departamenti bastyǵynyń baqylaýynda, - delingen baspasóz habarlamasynda.

Buǵan deıin eki polıtseıdiń patrýldik kólikpen aýdarylyp qalǵanyn jazǵan edik.

Zardap shekkender óńirdiń emdeý mekemelerine jetkizildi. Bireýiniń jaǵdaıy aýyr.