SQO-da polıtsııanyń ýchaskelik ınspektory 5 jylǵa sottaldy
SQO soty baspasóz qyzmetiniń málimetinshe, Mamlıýt aýdandyq soty ýchaskelik ınspektorǵa byltyr shilde aıynda ańshynyń qolynan qaza tapqan áıeldiń isine qatysty úkim shyǵardy. Polıtseı aýyr zardapqa ákep soqqan qyzmettegi áreketsizdigi úshin qylmystyq jaýapkershilikke tartyldy.
Sot byltyr 11 shildede ýchaskelik polıtsııa qyzmetkeriniń áıeldi ańmen shatastyryp, abaısyzda atyp óltirgen er adammen birge bolǵanyn anyqtady. Ańshy mas kúıinde alańqaıda jıdek terip júrgen 49 jastaǵy áıeldi jaralap, keıin ol alǵan jaraqattarynan qaıtys bolǵan edi. Tártip saqshysy sol jerde bolǵanymen bul oqıǵanyń aldyn alýǵa áreket etpegen.
Onyń kinási kýágerlerdiń kórsetýimen, jazba materıaldarymen dáleldendi.
Prokýror sottalýshyǵa 6 jylǵa jaza kesýdi surady. Eks-polıtseı óz kinásin moıyndamady.
Aýdandyq sot ýchaskelik ınspektordyń kishkentaı balalarynyń bolýyn jáne zardap shekkenge alǵashqy medıtsınalyq kómekti kórsetýin eskerip, 5 jylǵa bas bostandyǵynan aıyrdy. Endi ol jazasyn qylmystyq-atqarý júıesiniń ortasha qaýipsizdik mekemesinde atqaratyn bolady. Sondaı-aq sottalǵan ómir boıyna memlekettik, quqyq qorǵaý organdarynda jumys isteý quqyǵynan jáne polıtsııa maıory arnaıy sheninen aıyryldy.
Buǵan deıin jıdek tergen áıeldi atqan ańshyǵa da sot úkimi shyqqanyn aıtqan edik.
