SQO-da polıtsııa qyzmetkerlerine kúsh qoldanýdyń 13 deregi tirkeldi
PETROPAVL. QazAqparat - SQO-da jyl basynan polıtseılerge qatysty kúsh qoldanýdyń 13 deregi tirkeldi, dep habarlaıdy QazAqparat Polisia.kz saıtyna silteme jasap.
Petropavl polıtseıleri erli-zaıyptylardy tynyshtandyrý kezinde qol kisenderin qoldanýǵa májbúr boldy. Bılik ókiline qatysty kúsh qoldaný – aýyr qylmystyq quqyq buzýshylyq, ol úshin qatań jaýapkershilik qarastyrylǵan.
Tájirıbe kórsetkendeı, mundaı jaǵdaılardyń basym kópshiligi polıtsııa quqyq buzýshylardyń maskúnemdik áreketterin toqtatyp, olardy medıtsınalyq kýálandyrýǵa jetkizgen kezde jasalady. Іshimdikti asyra siltegen adamnyń áreketteriniń saldary aýyr oqıǵalarǵa aparyp soǵýy múmkin.
Mysaly, maýsym aıynda Petropavl polıtseıleri erli-zaıyptylardy tynyshtandyryp, qol kisenderin qoldanýǵa májbúr boldy. Oqıǵa saǵat 7:00 shamasynda, qalalyq dámhanalardyń biriniń janynda oryn aldy. Ábden mas bolǵan er adamnyń qylyǵyna polıtsııanyń áreket etýi qajet boldy. Er adam medıtsınalyq kýálandyrýdan ótý týraly zańdy talapty oryndaýdan bas tartty, al áıeli polıtsııa qyzmetkeriniń bileginen tistep aldy.
«Ekeýine de qol kisenderin qoldanýǵa týra keldi. Nátıjesinde 38 jastaǵy qala turǵyny sottaldy. Sot onyń qylmystyq jaýapkershilikke alǵash ret tartylyp otyrǵanyn eskerip, 1 jylǵa bas bostandyǵyn shekteý jazasyn taǵaıyndady jáne osy merzimge probatsııalyq baqylaý ornatty. Qylmystyq kodekstiń 380-babyna sáıkes, bılik ókilderine qatysty ómirge nemese densaýlyqqa qaýipti emes kúsh qoldaný 4 jylǵa deıingi merzimge bas bostandyǵynan aıyrýǵa jazalanýy múmkin ekenin este ustaǵan jón», – deıdi SQO PD Tergeý basqarmasynyń bastyǵy Qaırat Qasymbekov.
Jyl basynan beri SQO-da QK 380-baby boıynsha 13 fakti tirkeldi.
Foto: polisia.kz
