SQO-da polıtsııa ǵımaratynyń aýmaǵynan er adamnyń máıiti tabyldy
PETROPAVL. QazAqparat – Soltústik Qazaqstan oblysy Ǵ.Músirepov aýdanyndaǵy polıtsııa ákimshilik ǵımaratynyń aýmaǵynan 56 jastaǵy er adamnyń máıiti tabyldy, dep habarlaıdy QazAqparat tilshisi.
Polıtsııa departamentiniń habarlaýynsha, zorlyq-zombylyqpen óltirý belgileri joq.
«Beınebaqylaý kameralary er adamnyń aýdandyq polıtsııa bóliminiń №2 ákimshilik ǵımaratyna qaraı joldy kesip ótpek bolǵanyn anyqtady. Sodan keıin ol óz betimen ǵımarat aýmaǵyna barǵan, keıin onyń denesi tabyldy», - dep habarlady baspasóz qyzmeti.
Bul aýmaq kúzetilmeıdi jáne negizgi polıtsııa ǵımaratynan 100 metr qashyqtyqta ornalasqan.
Sotqa deıingi tergeý júrip jatyr. Saraptamalar men qajetti tergeý áreketteri júrgizilýde. Qyzmettik tekserý taǵaıyndaldy.
