SQO-da polıtsııa aıazǵa baılanysty qala mańy joldaryn sholyp júr
ASTANA. QazAqparat - Soltústik Qazaqstan oblysynda 15 polıtsııa ekıpajy qala mańyndaǵy joldardy sholyp júr, dep habarlaıdy QazAqparat tilshisi.
Jergilikti polıtsııa departamenti baspasóz qyzmetiniń málimetinshe, jol polıtsııasy qatty aıazǵa baılanysty kúsheıtilgen rejimge kóshirilgen. Tártip saqshylary jol boıyndaǵy júrgizýshilerden joldaǵy ahýaldy, kóligi buzylyp turyp qalǵan jolaýshylardyń bar-joǵyn surap júr. Olardyń basty mindeti - júrgizýshiler men kólik jolaýshylarynyń aıazdan úsip qalýyna jol bermeý.
«Shal aqyn aýdanynda, «Jezqazǵan-Petropavl» avtojolynyń 741 shaqyrymynda qozǵaltqyshtyń isten shyǵýy saldarynan «Volvo» júk kóligi jolda qaldy. 56 jastaǵy júrgizýshi Ombydan Qostanaı oblysyna júk alyp kele jatqan. Oqıǵa ornyna patrýldik polıtsııa batalonynyń qyzmetkerlerinen kezekshilik uıymdastyryldy. Buzylǵan júk kóligi qaıtadan Ombyǵa jetkilmek», - dep atap ótedi baspasóz qyzmeti.
Polıtsııa qyzmetkerleri oblys turǵyndaryna aıazdy kúnderi kóshede uzaq bolmaýǵa jáne múmkindiginshe alys saparlarǵa shyqpaýǵa keńes beredi.
«Keı jerlerde aýa temperatýrasynyń -35 gradýsqa deıin tómendeýine jáne boran soǵýyna baılanysty jol-kólik oqıǵalarynyń, jolda kólik quraldarynyń buzylýynyń aldyn alý maqsatynda respýblıkalyq mańyzy bar «Astana-Petropavl» tasjoly jabyldy. Qazirgi ýaqytta polıtsııa qyzmetkerleri eldi mekenderdiń aýmaǵynan kólik quraldarynyń joldyń atalǵan ýchaskesine shyǵyp ketýine jol bermeý úshin sholǵynshylyq jasaýda», - dedi Jergilikti polıtsııa qyzmeti basqarmasy bastyǵynyń orynbasary Aıbyn Baımatov.
Olesıa Jýkoven
