SQO-da polıtsııa avtoparki jańa kóliktermen tolyqty
PETROPAVL. QazAqparat – Soltústik Qazaqstan oblysynda polıtsııa bólinisterine 11 jańa qyzmettik avtokólik tapsyryldy, dep habarlaıdy QazAqparat tilshisi.
SQO polıtsııa departamenti baspasóz qyzmetiniń málimetinshe, qyzmettik kólikter kezekshi bólimder men ýaqytsha qamaýda ustaý ızolıatorynyń jumysyna arnalǵan. Basym bóligi aýdandyq polıtsııa bólimderine jiberiledi.
«Búgingi is-shara Memleket basshysynyń qatysýymen ótken QR ІІM keńeıtilgen alqa otyrysynyń sheshimin iske asyrýdyń birden-bir joly. Avtoparkti jańa kóliktermen tolyqtyrý nátıjesinde shaqyrtýlarǵa ýaqtyly shyǵýǵa múmkindik bar. Bul ásirese qazirgi ýaqytta, koronavırýs ınfektsııasynyń aldyn alý boıynsha karantındik sharalardy kúsheıtý kezinde asa mańyzdy», - dedi SQO PD bastyǵy Marat Tólebaev.
«GAZ 2705» avtokóliginiń tórteýi aıdaýyldaý qyzmeti vzvodyna berildi. Sondaı-aq, Petropavl qalalyq PB men Taıynsha aýdanynyń PB ýaqytsha qamaýda ustaý ızolıatorlarynyń qyzmetkerleri aldy. Arnaıy jabdyqtalǵan avtokólikter qylmys jasaýda kúdikti jáne aıypty adamdardy tasymaldaýǵa arnalǵan. 5 aýdannyń polıtsııa bólimderi kezekshi bólimderdiń jumysyna arnalǵan avtomashınamen jańartyldy. Jańa «ÝAZ 3909» kóligi eń alys eldimekender: Aıyrtaý, Ýálıhanov, Mamlıýt pen Shal aqyn, Ǵ. Músirepov aýdandaryna jóneltiledi.
«Bıyl oblys ákimi Qumar Aqsaqalovtyń qoldaýymen vedomstvo avtoparki 40 astam avtokólikpen tolyqty. Bul Soltústik Qazaqstan oblysyn áleýmettik-ekonomıkalyq damytýdyń keshendi josparyn iske asyrý aıasynda múmkin boldy», - deıdi departament basshysy.
