SQO-da polıtseıler joǵalyp ketken er adamdy bir aıdan beri izdep jatyr
PETROPAVL. QazAqparat – Soltústik Qazaqstan oblysynda polıtseıler 27 jastaǵy er adamdy izdestirip jatyr, dep habarlaıdy QazAqparat tilshisi.
Polıtsııa departamenti baspasóz qyzmetiniń aqparaty boıynsha, Aleksandr Romashkın bir aı buryn joǵalyp ketken. Onyń joǵalǵany týraly týystary habarlaǵan. Er adamdy tanystary sońǵy ret 31 tamyzda kórgen. Sol ýaqyttan beri onyń qaıda ekeni belgisiz.
Buǵan deıin soltústikqazaqstandyq polıtseıler 37 jastaǵy petropavldyqty bir jyldan astam ýaqyt boıy izdep, keıin ony M.Jumabaev aýdanynan tapqan. Ol aýylda jumys istegen, biraq týystaryna bul týraly habarlamaǵan.
«Jyl basynan beri Soltústik Qazaqstan oblysynyń aýmaǵynda 132 iz-túzsiz joǵalý faktisi tirkelgen. Bir táýlikte 84 adam anyqtaldy», - dedi krımınaldyq polıtsııa basqarmasynyń bastyǵy Petr Klımov.
Sondaı-aq, ol joǵalǵandardy izdeýge eriktilerdiń kómektesip jatqanyn aıtty.
Barlyǵy 48 soltústikqazaqstandyq izdestirilip jatyr. Bıyl sonyń ishinde 8-i joǵalǵan. Polıtseıler iz-túzsiz joǵalyp ketkender týraly qandaı da bir aqparat biletinderdiń 102 nómirine habarlasýyn suraıdy.
Avtor:
Olesıa Jýkoven
