SQO-da polıtseıler jaraly aqqýdy qutqardy
PETROPAVL. QazAqparat – Soltústik Qazaqstan oblysynda polıtseıler jaraly aqqýdy qutqardy, dep habarlaıdy QazAqparat tilshisi.
Oblystyq polıtsııa departamenti baspasóz qyzmetiniń málimdeýinshe, Aqqaıyń aýdanynda, Aralaǵash aýylynyń mańynda patrýldik polıtseıler jolda usha almaı otyrǵan qusty ańǵarǵan. Qanaty qaıyrylǵan aqqý tobynan qalyp qoıǵan.
Polıtseıler - Janbolat Búrkitalın men Dmıtrıı Beloýsov qusty Petropavldyń botanıkalyq baǵyna ákeldi. Ondaǵy mamandar qustyń aıyǵýyna kómektesip, kóktem shyǵa ushyryp jiberýge ýáde berdi.
Avtory: Olesıa Jýkoven
