SQO-da polıtseıler janarmaı quıý beketine «shabýyl» jasady
PETROPAVL. QazAqparat - Soltústikqazaqstandyq polıtseıler jeke kúzet qurylymdarynyń qyzmetkerlerine kenetten tekseris júrgizdi, dep habarlaıdy «QazAqparat» HAA tilshisi.
Kúzetshilerdiń qylmyskerlerdiń áreketterine daıyndyqtaryn tekserip jatyr. Jeltoqsannyń sońynda qala mańyndaǵy janarmaı quıý beketine shabýyl jasalǵan. Sol kezde kúzetshi shabýyl jasaýshylarǵa toıtarys bergen. Qylmyskerler áli tabylǵan joq.
SQO ІІD baspasóz qyzmeti málim etkendeı, polıtseıler Petropavldyń mańyndaǵy janarmaı quıý stantsııasyndaǵy saýda pavılondarynyń birin qarýmen basyp alǵan. Kúzetshi sambo ádisterin qoldanyp, shabýylshyny edenge qulatqan, al kassır dabyl batyrmasyn basyp úlgergen. Birneshe mınýttan keıin oqıǵa ornyna jeke kúzet uıymynyń jedel toby kelgen.
«Barlyǵy ýaqtyly keldi. Oqý-jattyǵý taǵy da júrgiziledi, kúzet agenttikteriniń, mobıldi toptar men jol-patrýldik batalonynyń áreketteri tekseriledi», - dedi SQO ІІD kúzet áreketin baqylaý bóliminiń bastyǵy Samal Qasenova.
