SQO-da polıtseıler zeınetker áıeldi óltirýde kúdikti dep tanylǵan aýdany ortalyǵy - Saýmalkól turǵynyn ustady
PETROPAVL. 19 qyrkúıek. QazAqparat - SQO Aıyrtaý aýdandyq ІІB-niń polıtseıleri zeınetker áıeldi óltirýde kúdikti dep tanylǵan aýdan ortalyǵy - Saýmalkól turǵynyn ustady, dep habarlaıdy oblystyq ІІD-niń baspasóz qyzmetinen.
Aıyrtaý AІІB-ne Saýmalkól aýylyndaǵy úılerdiń birinde 68 jastaǵy jalǵyzbasty zeınetker áıeldiń múrdesi anyqtalǵany týraly habarlama kelip tústi. Áıel keýdesine pyshaq salynǵannan qaıtys boldy.
Birinshi bolyp aýyldasynyń múrdesin onyń tanysy anyqtap, bul týraly birden ýchaskelik polıtseıge habarlaǵany anyqtaldy. Suraý barysynda er adam keshke oǵan qonaqqa kelgende onyń óli denesin anyqtaǵanyn aıtyp berdi.
AІІB qylmystyq polıtsııa bóliminiń qyzmetkerleri jedel-izdeý sharalaryn ótkizdi. Birinshi kezekte jábirlenýshiniń kórshilerin surastyrdy. Sonyń nátıjesinde zeınetkerdiń 35 jastaǵy kórshisi ustaldy. Er adam mas kúıinde bolǵan, polıtseılerdi kórse salyp, zeınetker áıeldi óltirgenin moıyndady. Ol ustalyp, AІІB-ne jetkizildi.
Tergeý barysynda ustalǵan azamat sol kúni jábirlenýshiniń úıinde bolyp, onymen birge spırttik ishimdikterdi ishkenin aıtyp berdi. Sonyń barysynda olardyń arasynda urys týyndaǵan, er adam úı ıesiniń qonaǵyn negizsiz balaǵattaǵany, sol arqyly ony qatty ashýlandyrǵanyn aıtty. Renjigen qonaq asúıden pyshaq alyp, ony dıvannyń ústinde jatqan áıeldiń júregine saldy. Odan keıin birden úıine qashyp ketti.
Qazirgi ýaqytta múliktik qylmystary úshin buryn sottalǵan saýmalkóldik azamat AІІB-niń ýaqytsha ustaý abaqtysyna qamaldy, atalǵan faktimen qylmystyq is qozǵaldy. Tergeý amaldary júrgizilýde.
