SQO-da polıtseıler sańyraýqulaq terýge ketken qarııany túni boıy izdedi
PETROPAVL. QazAqparat - Soltústik Qazaqstan oblysynda polıtseıler sańyraýqulaq terip júrip adasyp ketken 73 jastaǵy er adamdy túni boıy izdedi, dep habarlaıdy QazAqparat tilshisi.
Oblystyq ishki ister departamenti baspasóz qyzmetiniń málimdeýinshe, Qyzyljar aýdanynyń Chapaevo aýylynyń shetindegi ormanda egde jastaǵy er adam adasyp ketken. Qarııanyń kempiri men bir týysy onyń mashınasyna kelip keshke deıin kútedi. Telefony esigi jabyq kólikte qalyp qoıǵandyqtan habarlasýdyń amaly bolmaıdy. Qaıran bolmaǵan soń, olar polıtsııaǵa habarlasqan.
«Sańyraýqulaq terýge ketken qarııany túnimen izdep tappadyq. Abyroı bolǵanda, ol ormannyń ishimen júrip otyryp, 30 shaqyrym arydaǵy eldi mekenge jaıaý jetken. Ózi týraly sol jerden habarlady», - deıdi baspasóz qyzmetiniń ókilderi.
Degenmen, qarııanyń jubaıy jedel áreket etkeni jáne kásibıligi úshin polıtseılerge alǵys bildirdi.
Óńirde sańyraýqulaq terýshiler ormanda jıi adasyp ketedi. Ótken demalys kúnderi qutqarýshylar sańyraýqulaq tere júrip adasyp ketken turǵynnyń ómirin saqtap qalǵan bolatyn.
