SQO-da polıtseıler ıtterdiń kómegimen bıyl 224 qylmysty ashty
SQO polıtsııa departamenti baspasóz qyzmetiniń málimetinshe, kınologııalyq qyzmet ortalyǵynda 52 qyzmettik-izdestirý ıti bar. Olardyń jartysy aýdandyq polıtsııa bólimderinde qyzmet atqarady.
Qyzmettik-izdestirý ıtter esirtki, jarylǵysh zattardy izdeýde, iz kesýde qoldanylady. Robı atty belgııa ovcharkasy ortalyqtaǵy eń jas ıt, ol bir jas segiz aıda, esirtkilerdi izdeýge úıretilgen. Zlata atty nemis ovcharkasyna 9 jyl, ol tájirıbeli ıtterdiń qatarynda. Ol da esirtkilerdi izdeý boıynsha jumys isteıdi.
«Qyzmettik-izdestirý ıtterin qoldanyp jaqynda oblys ortalyǵynda 19 jastaǵy jigittiń jalǵan alǵan páterine tintý júrgizýdik. Páterden «tuz» ataýymen belgili, áseri asa kúshti sıntetıkalyq psıhobelsendi zattardyń biri - «alfa-PvP» 341 gramyn taptyq. Qazir bul fakti boıynsha sotqa deıingi tergeý júrgizilip jatyr», - deıdi kınologııalyq qyzmet ortalyǵynyń bastyǵy Samat Tólebaev.
Polıtsııa maıorynyń aıtýynsha, aýa raıynyń kez kelgen jaǵdaıynda, adamdar kóp jınalatyn jerlerde, shektelgen aýmaqta, qala syrtynda ıtterdi únemi jumysqa úıretýge basymdyq beriledi.
Tórt aıda qyzmettik-izdestirý ıtteri jedel-tergeý toptarynyń quramyna 300-den asa tartyldy. Itter 224 qylmysty ashýǵa kómektesti, onyń basym bóligi urlyq. Esirtki zattaryn izdeýge qyzmettik ıtter 24 ret qoldanyldy, 6 qylmys ashyldy. 15 keliden asa esirtki zattary tárkilendi, onyń basym bóligi - marıhýana, sondaı-aq gashısh pen sıntetıkalyq esirtki.
