SQO-da polıtseıler bes kúnde 26 mas júrgizýshini ustady
PETROPAVL. QazAqparat – Soltústik Qazaqstan oblysynda «Mas júrgizýshi – qylmysker» jedel-aldyn alý is-sharasy ótip, nátıjesinde 5 kúnniń ishinde kólikti mas kúıde basqarǵan 26 júrgizýshi ustaldy, dep habarlaıdy QazAqparat tilshisi.
SQO polıtsııa departamenti baspasóz qyzmetiniń málimetinshe, tártip saqshylary Petropavldaǵy Jumabaev-Abaı kósheleriniń qıylysynda túngi saǵat 3.00 shamasynda tekserý úshin VAZ-2110 avtokóligin toqtatqan. Kólikti basqarǵan oblys ortalyǵynyń turǵyny 21 jasaǵy er adamnan alkogoldiń ıisi shyǵyp turǵan. Medıtsınalyq kýálandyrý onyń mastyǵyn rastady.
Er adamnyń aıtýynsha, oǵan shuǵyl aqsha kerek bolyp, bankomatqa barý úshin rólge otyrǵan. Jigit dostarymen páter jaldap, kóńil kótergen. Otyrys qyzǵan shaqta dastarhandy toltyrý úshin azyq-túlik jetkizýge tapsyrys bermek bolǵan. Endi ol kólikti mas kúıde basqarǵany úshin ákimshilik qamaýǵa alynyp, 7 jylǵa deıin kólikti júrgizý quqyǵynan aıyrylýy múmkin.
«26-31 naýryz aralyǵynda oblys aýmaǵynda «Mas júrgizýshi – qylmysker» jedel-aldyn alý is-sharasy ótip jatyr. Operatsııany osylaısha ataýymyz beker emes. Óıtkeni mas kúıde kólik basqarǵan júrgizýshi óz ómirine ǵana emes, jol qozǵalysynyń basqa da qatysýshylarynaqaýip tóndiredi. Іs-sharanyń maqsaty – joldaǵy apattardy azaıtý. Tek sońǵy bes kúnde polıtseıler rólge mas kúıde otyrǵan 26 júrgizýshini ustady», - deıdi SQO PD jergilikti polıtsııa qyzmeti basqarmasynyń bastyǵy Aıdyn Baımatov.
Operatsııa bastalǵaly oblysta 2,5 myńǵa jýyq túrli quqyq buzýshylyq anyqtalǵan. Onyń 236-sy jylamdyqty asyrýǵa, 80-i manevr jasaýǵa, 38-i baǵdarshamnyń ruqsat etilmegen belgisine ótýge baılanysty.
