SQO-da polıtseıler arasyndaǵy jemqorlyqtyń aldyn alý joldary usynyldy
Polıtsııa departamenti baspasóz qyzmetiniń habarlaýynsha, kezdesýde oblystyq polıtsııa departamenti basshysynyń orynbasary Eńbek Sembın sońǵy jyldary elimizdiń tergeýshileri men anyqtaýshylary jasaǵan jemqorlyq qylmystar týraly habardar etti. Ol qazirgi tergeýshiler men anyqtaýshylar polıtsııanyń ıntellektýaldy elıtasy bolý kerek ekenin atap ótti. Olar tártiptiń buzylýyna, jemqorlyqqa jol bermeýi tıis.
Konsýltatıvtik-jınalys organynyń tóraǵasy Jasulan Ahmetov polıtsııa qyzmetiniń ashyqtyǵyn qamtamasyz etý boıynsha jumys jasaý qajet dep sanaıdy. Adamdar polıtseılerdiń qalaı jumys isteıtinin, olardyń tabystary men jetistikterin bilýi kerek.
J.Ahmetovtyń pikirinshe, tsıfrlandyrý jelisi boıynsha jumysty jalǵastyrý mańyzdy. Patrýldik polıtseılerdiń beınebelgileri únemi jumys jasaýy kerek, sonda ǵana olardyń jumysy ashyq jáne baqylaýda bolady.
«Jemqorlyqtyń aldyn alý boıynsha jumystar qyzmetkerlerdiń jáne olardyń otbasy músheleriniń arasynda únemi júrgizilýi qajet. Qyzmetker olardyń aldyndaǵy jaýapkershilikti sezinse ǵana, jemqorlyq qylmys jasamaý kerektigin oılanady», - deıdi J. Ahmetov.
Soltústik qazaqstandyq polıtseılerdiń qatarynda 140 tergeýshi, 34 anyqtaýshy, 46 krımınalıst jumys jasaıdy. Barlyq zań buzýshlyqtar men qylmystar olardyń qoldarynan ótip, protsessýaldyq sheshim qabyldanady.