SQO-da polıtseıdi balaǵattaǵan er adam qoǵamdyq jumysqa jegildi
PETROPAVL. QazAqparat – Soltústik Qazaqstan oblysynda tártip saqshysyn balaǵattaǵan aýyl turǵyny 60 saǵat qoǵamdyq jumysqa tartyldy, dep habarlaıdy QazAqparat tilshisi.
SQO boıynsha qylmystyq atqarý júıesi departamenti baspasóz qyzmetiniń málimetinshe, Taıynsha aýdany Chkalov eldi mekeninde er adam qoǵamdyq orynǵa mas kúıde kelgen. Keıin Chkalov polıtsııa bóliminde ýchaskelik polıtsııa ınspektory oǵan ákimshilik quqyq buzýshylyq týraly hattama toltyrmaq bolady. Aýyl turǵyny óz mindetin atqarǵan tártip saqshysyn qorlap, túrli balaǵat sóz aıtqan. Polıtsııa qyzmetkeriniń eskertýin elemegen. Chkalov dárigerlik ambýlatorııasynda medıtsınalyq tekserýden ótý kezinde de bılik ókiline ádepsiz sózder aıtqan.
Sot úkimine sáıkes er adamǵa 60 saǵat merzimge qoǵamdyq jumystarǵa tartý túrindegi jaza taǵaıyndaldy. Sottalǵan kúnine 4 saǵat boıy jergilikti atqarýshy organdar aıqyndaıtyn oryndarǵa qoǵamdyq jumystardy atqarýǵa shyǵady. Onyń óz jazasyn oryndaýy Taıynsha aýdanynyń probatsııa qyzmetiniń baqylaýynda bolady.
«Sottalǵan turatyn jerinde, biliktilikti qajet etpeıtin qoǵamdyq jumystarǵa tegin jegiledi. Bul jumystardy jergilikti atqarýshy organdar beredi. Sottalǵan probatsııa qyzmetine turǵylyqty jeriniń ózgergeni týraly habarlaýǵa mindetti. Sondaı-aq aıyna bir ret probatsııa qyzmetine tirkelý jáne profılaktıkalyq áńgimelesýge qatysý úshin kelýge mindetti», - deıdi SQO boıynsha QAJD Taıynsha aýdany probatsııa qyzmetiniń ınspektory Dýlat Sháripov.
