SQO-da polıtseı óz-ózine qol jumsady
PETROPAVL. QazAqparat – Soltústik Qazaqstan oblysynda polıtsııa qyzmetkeri asylyp qaldy, dep habarlaıdy QazAqparat tilshisi.
SQO Aqqaıyń aýdandyq polıtsııa bóliminiń 29 jastaǵy qyzmetkeri Petropavlda jalǵa alǵan páterde asylyp qalǵan. Oblystyq polıtsııa departamenti bul aqparatty rastady.
«Smırnovo eldi mekeniniń turǵyny 15 aqpan kúni Petropavlda jalǵa alǵan páterde óz-ózine qol jumsaǵan. Aqqaıyń aýdandyq polıtsııa bólimi qyzmetkeriniń ólimine qatysty jeke qaýipsizdik basqarmasy qyzmettik tekserýdi bastady. Tergeýdiń barysyn polıtsııa departamentiniń bastyǵy Marat Tólebaev óz baqylaýyna aldy», - dedi baspasóz qyzmetkerleri.
Sotqa deıingi tergeý «Óz-ózine qol jumsaýǵa ıtermeleý» baby boıynsha júrgizilip jatyr.
