SQO-da polıtseı bolǵysy keletinderge járdemaqy tóleý usynyldy
PETROPAVL. QazAqparat - Soltústik Qazaqstan oblystyq ishki ister departamentinde konsýltatıvtik-keńesshi organynyń (KKO) otyrysynda jastar arasyndaǵy kásibı baǵdarlaý jumystary talqylandy, dep habarlaıdy QazAqparat tilshisi.
SQO ІІD baspasóz qyzmetiniń aqparaty boıynsha, KKO múshesi Aleksandr Merk mektep jáne oqý oryndarynda polıtsııa mamandyǵyn belsendi nasıhattaý jumystary júrgizilip jatqanyn aıtty.
Ol quqyq tártibi organdarynda qyzmet etkisi keletinderdiń az emestigin, sondaı-aq mektep oqýshylary úshin ádistemelik usynystar jasaý qajettigin atap ótti.
«KKO músheleri oqý oryndarynda quqyqtyq burysh ornatý týraly usynys jasady. Onda ІІB qyzmetkerleriniń kúndelikti qyzmeti men erlik isi nasıhattalady. Mundaı materıaldar jastardyń osy mamandyqqa degen qyzyǵýshylyǵyn arttyrady», - dedi baspasóz qyzmetinen.
Departament bastyǵy Berik Bilálov KKO músheleriniń bastamasyn qoldap, bıyl ІІD-de «kadrlyq rezerv jyly» jarııalanǵanyn atap ótti.
