SQO-da pnevmonııamen aýyrǵandar sany 1,9 ese artty
SQO sanıtarııalyq-epıdemıologııalyq baqylaý departamenti baspasóz qyzmetiniń málimetinshe, álemde jyl saıyn 5 jasqa deıingi 1 mln bala pnevmonııadan kóz jumady.
«Jalpy, pnevmonııa jiti respıratorlyq ınfektsııanyń ókpege áser etetin bir túri. Ókpe «alveol» dep atalatyn usaq qapshyqtardan turady, olar saý adam tynys alǵanda ókpeni aýamen toltyrady. Pnevmonııa kezinde alveol iriń men suıyqtyqqa tolyp, tynys alýdy aýyrlatady jáne otteginiń kelýin shekteıdi», - deıdi departamenttiń ınfektsııalyq jáne parazıttik aýrýlardy epıdemıologııalyq baqylaý bóliminiń bas mamany Saltanat Bekqojına.
Pnevmonııany birqatar ınfektsııalyq qozdyrǵyshtar, sonyń ishinde vırýstar, bakterııalar men zeńder týdyrady.
«Balalar arasynda bakterııalyq pnevmonııa pnevmokokktyń saldarynan jıi kezdesedi. Ókpeniń qabynýyna ákeletin ınfektsııanyń kelesi túri - gemofıldik juqpa. Al vırýstyq pnevmonııa kóp jaǵdaıda respıratorlyq-sıntsıtıaldy vırýstan paıda bolady. Pnevmonııanyń birneshe taralý joly bar. Balanyń murnyndaǵy nemese tamaǵynda ádette bolatyn vırýstar men bakterııalar ókpege ótýi múmkin. Olar sondaı-aq aýa-tamshy arqyly jótel nemese túshkirý kezinde taralady. Sonymen qatar, pnevmonııa qan arqyly, ásirese bosanǵan kezde juǵýy múmkin», - deıdi Saltanat Bekqojına.
Vırýstyq jáne bakterııalyq pnevmonııa belgileri kóbine uqsas bolyp keledi.
«5 jasqa deıingi balalarda pnevmonııada joǵary temperatýra bolmaýy da múmkin. Alaıda jótel qysyp, jıi tynys alady. Emshektegi sábıler aýrýdan álsirep, eme almaı qalady. Talyp, gıpotermııa jáne tyrysý paıda bolady. Deni saý balalardyń kóbiniń aǵzasy ınfektsııamen ózdiginen kúrese alady, al ımmýndyq júıesi nashar balalarda pnevmonııa damyp, densaýlyqqa qaýip tóndiredi. Balanyń ımmýndyq júıesi jetkiliksiz nemese durys tamaqtanbaǵandyqtan álsireýi múmkin», - deıdi dáriger.
Tumaý, qyzylsha jáne kókjótel sııaqty aýrýlar asqynǵan jaǵdaıda pnevmonııaǵa ulasýy múmkin. Sondyqtan eger bala aýyrsa, ony ózdiginen emdemeı, mindetti túrde dárigerdiń kómegine júginý kerek. Aýrýdyń aldyn alýdyń negizgi joly - gemofıldik ınfektsııaǵa, pnevmokokk, qyzylsha, kókjótelge qarsy vaktsına alý. Bala ımmýnıteti qaýipti aýrýlarǵa tótep berýi úshin ol ómiriniń alǵashqy 6 aıynda emshek sútimen qorektenýi kerek.
Mamandardyń aıtýynsha, jalpy bıyl epıdemıologııalyq maýsymnyń 40-51 aptalarynda oblysta 373 adamda pnevmonııa anyqtalǵan. Byltyr osyǵan uqsas aralyqta 191 adam aýyrǵan. ıAǵnı óńirde pnevmonııamen aýyrǵandar sany 1,9 ese artyp otyr.
