SQO-da pedagogterge issapar shyǵyndary tólenbeı kelgen
PETROPAVL. KAZINFORM – Soltústik Qazaqstan oblysynda prokýratýra tekserisi barysynda 215 ustazdyń quqyǵy buzylǵany anyqtaldy.
SQO prokýratýrasynyń málimetinshe, qadaǵalaýshy organ eńbek qatynastary salasyndaǵy zańnama buzýshylyqtaryn anyqtaý jáne jolyn kesý maqsatynda taldaý júrgizgen. Nátıjesinde Taıynsha jáne Ýálıhanov aýdandarynyń bilim bólimderiniń Eńbek Kodeksiniń 52-babynyń talaptaryn óreskel buzǵany anyqtaldy. ıAǵnı 215 pedagog qyzmetkerge biliktilikti arttyrý kýrstarynan ótýge baılanysty jalpy somasy 22,3 mln teńge issapar shyǵyndaryn tólemegen.
Prokýrorlyq qadaǵalaý aktileri boıynsha kináli laýazymdy tulǵalar zań boıynsha jaýapkershilikke tartylyp, 128 qyzmetkerge 10 mln teńge somasynda tólemder júrgizildi.
Qalǵan qyzmetkerlerdiń quqyqtaryn qalpyna keltirý jumystary júrgizilip jatyr.
Jalpy, jyl basynan beri prokýratýra organdary 160 qyzmetkerdiń eńbek quqyqtaryn qorǵaǵan.
Buǵan deıin SQO-da orman sharýashylyqtarynda eńbek zańnamasyn buzý faktileri anyqtalǵanyn jazǵan edik.