SQO-da «Paryz» respýblıkalyq konkýrsynyń aımaqtyq jeńimpazdary marapattaldy
PETROPAVL. QazAqparat – Soltústik Qazaqstan oblysynda bıznestiń áleýmettik jaýapkershiligi boıynsha uıymdastyrylǵan «Paryz» respýblıkalyq baıqaýynyń aımaqtyq jeńimpazdarynyń esimderi belgili boldy, dep habarlaıdy QazAqparat tilshisi.
Petropavlda «Paryz» respýblıkalyq baıqaýynyń óńirlik jeńimpazdary marapatqa ıe boldy. Quramyna jergilikti atqarýshy organdardyń, kásipodaqtardyń, jumys berýshiler men kásipkerlerdiń ókilderi kirgen saraptamalyq jumys toby iri, orta jáne shaǵyn kásipkerlik sýbektileri arasynda 4 nomınatsııa boıynsha 18 laýreatty anyqtady.
«Paryz» respýblıkalyq baıqaýy bıyl on birinshi ret uıymdastyryldy. Konkýrs halyqtyń ál-aýqatyn odan ári jaqsartý maqsatynda jeke kásipkerlik sýbektileriniń qoǵam aldyndaǵy áleýmettik jaýapkershiligin qalyptastyrýǵa jáne arttyrýǵa baǵyttalǵan. Sondaı-aq qoǵamnyń áleýmettik máselelerin sheshýde jeke kásipkerlerdi yntalandyryp, olardyń oń tájirıbesin kórsetip, basqalarǵa úlgi etý – negizgi mindetterdiń biri.
SQO jumyspen qamtýdy úılestirý jáne áleýmettik baǵdarlamalar basqarmasynyń málimetinshe, konkýrstyń alǵashqy – óńirlik kezeńine qatysýǵa kásiporyndar men uıymdardan 38 ótinim túsken. Nátıjesinde «Úzdik áleýmettik jaýapty kásiporyn» nomınatsııasynda iri kásipkerlik sýbektileri arasynda «Sevkazenergo» AQ, shaǵyn kásipkerlik sýbektileri arasynda Aqqaıyń aýdanynyń «Medennıkova S.F.» jeke kásipkerligi jeńimpaz dep tanyldy.
«Eńbekti qorǵaý salasyndaǵy úzdik kásiporyn» nomınatsııasynda iri kásipkerlik sýbektileri arasynda «Qazaqtelekom» AQ SQOF jáne orta kásipkerlik sýbektileri arasynda Aqjar aýdanynyń «Talshyq Astyq-LTD» JShS úzdikter qatarynan kórindi.
Іri kásipkerlik sýbektileri arasynda «Úzdik ujymdyq shart»
«Qazaqposhta» AQ SQOF bolsa, orta kásipkerlik sýbektileri arasynda Qyzyljar aýdanynyń «Molservıs» JShS birinshi oryn aldy. Al shaǵyn kásipkerlik sýbektileri arasynda M.Jumabaev aýdanynyń «Rıka KZ» JShS jeńimpaz atandy.
«Ekologııaǵa qosqan úlesi úshin» nomınatsııasynda Petropavl qalasyndaǵy «Sapro-NAT» JShS marapatqa ıe boldy.
