SQO-da para alǵan sheneýnikke sot úkimi shyqty

Sybaılas jemqorlyqqa qarsy qyzmettiń málimetinshe, sheneýnik Aqjar aýdanyndaǵy bir kompanııa dırektorynan 200 myń teńge somasynda para bopsalady dep aıyptalǵan edi. Syıaqyǵa ol avtomobıl joldaryna qyzmet kórsetý jáne kútip alý boıynsha jarııalanǵan memlekettik satyp alý baıqaýynda jeńiske jetýge kómektespek bolǵan.
Petropavl qalalyq sotynyń úkimimen Ǵalym Tasbolatov kináli dep tanyldy. Endi ol 4,5 mln teńge aıyppul tóleýi tıis jáne memlekettik qyzmette laýazymda bolý quqyǵynan ómir boıyna aıyryldy.
Buǵan deıin sybaılas jemqorlyqqa qarsy qyzmettiń jetekshisi Ernar Baıanǵazın basqarma jetekshisiniń orynbasarlaryna qatysty eki istiń sotqa berilgendigin aıtqan bolatyn.
«Kúdiktilerdiń kinási dáleldengen jaǵdaıda, basqarma jetekshisi sot úkimi shyqqannan keıin on kún ishinde jumysynan bosatý týraly ótinish berýi kerek. Al sońǵy, ıaǵnı ornynda qaldyrý-qaldyrmaý jóninde sheshimdi joǵary turǵan basshylyq qabyldaıtyn bolady», - dedi Ernar Baıanǵazın.