SQO-da para alǵan polıtseıler 7 jylǵa sottaldy
SQO Sybaılas jemqorlyqqa qarsy qyzmettiń málimetinshe, 21 qazan kúni Petropavl qalalyq polıtsııa basqarmasy patrýldik polıtsııa batalonynyń eki qyzmetkerine sot úkimi shyqty. Tártip saqshylary jolda júrý erejesin buzǵan kólik júrgizýshilerin ákimshilik jaýapkershilikke tartpaý úshin olardan júıeli túrde para alyp kelgen. Petropavl qalalyq soty olardyń árqaısysyna 7 jylǵa bas bostandyǵynan aıyrý jazasyn kesti.
Sondaı-aq Qyzyljar aýdanynyń memlekettik ınspektory para alǵany úshin endi 2,5 mln teńge aıyppul tóleıdi. Al Polıtsııa departamenti izdeý bóliminiń ınspektory 3 jylǵa sottaldy.
«Memlekettik organdarda áli kúnge para alatyn memlekettik qyzmetkerler jumys isteıdi. Siz ben bizdiń mindetimiz – halyqtyń qarajatyn qaltasyna basqan jemqorlardy birge anyqtaý. Olar ózderiniń paıdakúnemdigimen, qylmystyq áreketterimen memlekettik qyzmettiń jumysyn joqqa shyǵarýda», - dedi Sybaılas jemqorlyqqa qarsy is-qımyl agenttiginiń SQO boıynsha departamentiniń basshysy Ernar Baıanǵazın.
