SQO-da para alǵan basqarma basshysyna 30 mln teńge aıyppul salyndy
PETROPAVL. QazAqparat - Petropavl qalalyq soty memlekettik sáýlet-qurylys baqylaý jáne lıtsenzııalaý basqarmasynyń basshysy Valerıı Zataıdyń para alý isine qatysty úkim shyǵardy, dep habarlaıdy «QazAqparat» HAA tilshisi sottyń baspasóz qyzmetine silteme jasap.
«Petropavl qalalyq sotynyń úkimimen Valerıı Zataı QR QK-iniń 366-bap 2-bóliginde kózdelgen qylmystyq quqyq buzýshylyqqa baılanysty kináli dep tanyldy jáne atalǵan bap boıynsha aıyptalýshynyń zańsyz jolmen nemese zańsyz jolmen tabylǵan qarajatqa alynǵan jeke menshigindegi múlkin tárkileı otyryp, 30 690 000 teńge kóleminde aıyppul tóleý jazasy kesildi», - delingen sot úkiminde.
Sondaı-aq, sot sheshimi boıynsha, Valerıı Zataı ómir boıy memlekettik organdar men memlekettik qyzmetterde laýazymdy qyzmet atqarý quqyǵynan alastatyldy.
Aıta keteıik, memlekettik sáýlet-qurylys baqylaý jáne lıtsenzııalaý basqarmasynyń basshysy Valerıı Zataı 21 qyrkúıek kúni Petropavldaǵy saýda úıiniń aldynda 1,5 myń dollar para alý ústinde ustalǵan bolatyn.
