SQO-da ózin medıtsına qyzmetkerimin dep tanystyrǵan áıel zeınetkerlerdi tonaǵan
NUR-SULTAN. QazAqparat – Soltústik Qazaqstan oblysynyń polıtsııa qyzmetkerleri adamdardyń senimine kirip, aqshasyn urlaýmen aınalysatyn alaıaqty ustady, dep habarlaıdy QazAqparat tilshisi.
Polıtsııa departamenti baspasóz qyzmetiniń habarlaýynsha, Petropavldyń 43 jastaǵy turǵyny ózin medıtsınalyq qyzmetkermin dep tanystyrǵan. Medıtsına maskasyndaǵy, bet-álpeti kelisti áıelge zeınetkerler senip qalǵan. Onyń aqshanyń aýysatyny týraly jalǵan áńgimesine de senip, qolda qansha qarjy jınap otyrǵandaryna deıin aıtyp bergen. Olar jýynatyn bólmege kirip ketken kezde alaıaq olardyń aqshasyn alyp, qashyp ketip otyrǵan.
«Polıtsııa qyzmetkerleri bul qylmysqa qatysy bar áıeldi ustap aldy jáne ol buryn Nur-Sultan qalasynda osyǵan uqsas qylmystary úshin isti bolǵan. Ol taǵy da eki zeınetkerdiń senimine kirip, kezekti alaıaqtyq isin júzege asyrǵannan keıin avtobýsqa otyryp ketip bara jatqan jerinen ustaldy. Alaıaq olardan kóp aqsha urlaǵan. Onyń qurbandary 79-99 jas aralyǵyndaǵy qart adamdar bolǵan», - delingen baspasóz habarlamasynda.
Endi polıtsııa qyzmetkerleri onyń ózine qajetti qarııany taýyp ala qoıýyna kim kómektesip otyrǵanyn anyqtaıdy.
Avtor: Olesıa Jýkoven
