SQO-da ózderine qol jumsaǵan jazasyn ótep júrgenderdiń talaptary zańsyz ári negizsiz bolyp tabylady-Bas parokýratýra
ASTANA. Shildeniń 22-si. QazAqparat /Rýslan Ǵabbasov/ - SQO-da ózderine qol jumsaǵan jazasyn ótep júrgenderdiń talaptary zańsyz ári negizsiz bolyp tabylady. Bul týraly búgin Astanada ótken brıfıngide Bas prokýratýranyń resmı ókili Nurdáýlet Súıindikov málim etti.
«Soltústik Qazaqstan oblysynda erekshe rejımdegi túzetý kolonııasynda búgingi tańda 37 adam ózderine qol saldy. Olardyń talaptary negizinen zańsyz ári negizsiz bolyp tabylady. Atap aıtqanda. olar ózderine qatysty ustaý rejımin jeńildetýdi suraıdy», - dedi ol. Resmı ókildiń sózine qaraǵanda, sottalǵandar kolonııanyń ishinde erkin júrip-turý quqyn talap etýde. Sonymen qatar qosymsha talap retinde bas bostandyǵynan aırylǵandar ózderiniń turmystyq jaǵdaılaryn jaqsartýdy surap otyr. «Olardy ustaý rejımın jeńildetý týraly negizgi talaptary basynan bastap negizsiz jáne zańsyz bolyp tabylady. Óıtkeni bul kolonııada birneshe ret aýyr jáne asa aýyr qylmys jasaǵandar qamaýǵa alynǵan. Olardy qamaýda ustaý rejımi zańmen belgilengen. Bul rejımdi prokýror da, kolonııanyń basshylyǵy da ózgerte almaıdy. Atap aıtqanda olardyń osy talaby oryndaýǵa jatpaıdy», - dedi resmı ókil.
Onyń aıtýynsha, bas bostandyǵynan aırylǵandardyń turmystyq jaǵdaıyn jaqsartý máselesin Qylmystyq-atqarý komıteti basshylyǵy qazirgi kezde qarastyrýda. Eger olardyń ótinishin oryndaýǵa bolatyn jaǵdaılar bolsa, bul suraqtar aǵymdaǵy tártipte sheshiledi.
Aıta keteıik, ózderine qol salǵan 37 jazasyn ótep júrgenderdiń, 6-ýy aýdannyń aýrýhanasyna jetkizildi. Bireýine medıtsınalyq kómek kolonııada kórsetilgen. «Aýrýhanada jatqandardyń densaýlyǵyna eshqandaı qaýip týyndap otyrǵan joq», - dedi N. Súıindikov.
Atalǵan fakti boıynsha tekserý sharalary júrip jatyr.
Esterińizge sala keteıik, Soltústik Qazaqstan oblysynyń Gornyı eldi mekeninde ornalasqan ES-164/4 túzetý mekemesinde jazalaryn ótep júrgender ózderine qol salǵandyǵy búgin habarlanǵan bolatyn.
