SQO-da ótken táýlikte 5 eldi meken turǵyndary evakýatsııalandy
PETROPAVL. KAZINFORM – Soltústik Qazaqstan oblysynda Shal aqyn, Esil jáne Ǵ.Músirepov atyndaǵy aýdanda sý tasqynyna qatysty jaǵdaı kúrdeli. Ótken táýlikte osy aýdandardaǵy 5 aýyldan 178 adam qaýipsiz jerge shyǵaryldy.
SQO Tótenshe jaǵdaılar departamenti baspasóz qyzmetiniń málimetinshe, evakýatsııalanǵandardyń 47-si – bala. Bul jumysqa jergilikti atqarýshy organdardan 41 adam jáne 11 tehnıka tartyldy.
Esil aýdany Jarqaıyń aýylynan 44 adam qaýipsz jerge shyǵaryldy. Onyń jartysy Órnek orta mektebinde ashylǵan evakýatsııalyq pýnktke jetkizilse, qalǵandary týystaryn panalady. Sý basqan aýyldan 730 mal qaýipsiz jerge shyǵaryldy.
«7 sáýir kúni keshke Petrovka aýyldyq okrýginiń Birlik aýylynda boldym, onda Esil ózeniniń tasý qaýpi joǵary jáne turǵyn úılerdi sý basý qaýpi bar. Qazirgi ýaqytta turǵyn úılerge sý kelgen joq, osyǵan baılanysty tótenshe jaǵdaıdy boldyrmaý úshin aýdan ákiminiń tapsyrmasy boıynsha turǵyndardy evakopýnktke kóshirý uıymdastyryldy», - dedi oqıǵa ornynda júrgen Esil aýdanynyń ákimi Mereke Muhamedııarov.
Buǵan deıin SQO-daǵy Sergeev sý qoımasy 180 % tolǵanyn aıtqan edik. Bógenniń qyrynan asyp tógilgen sýdyń bıiktigi saǵat 8.00-degi jaǵdaı boıynsha 415 sm-ge jetti.
