SQO-da ótken táýlikte koronavırýstan 5 adam qaıtys boldy

PETROPAVL. QazAqparat – Soltústik Qazaqstan oblysynda ótken táýlikte koronavırýsty 147 adam juqtyryp, aýyr halde jatqan 5 adam qaıtys boldy, dep habarlaıdy QazAqparat tilshisi.

SQO densaýlyq saqtaý basqarmasynyń málimetinshe, qazirgi ýaqytta óńirde 3 myńǵa jýyq adam dárigerlerdiń qaraýynda. Naýqastardyń 787-si ınfektsııalyq statsıonarlarda, 51-i jansaqtaý bólimshelerinde emdelip jatyr. Taǵy 25-i karantınge alynǵan.

Mamandardyń aıtýynsha, kúnniń sýytýyna baılanysty jedel respıratorlyq vırýstyq ınfektsııa juqtyrǵandar sany artqan. Ótken táýlikte óńirde 1 720 adam PTR test tapsyrǵan. Olardyń ár 11-inshisinde, ıaǵnı 147 adamda koronavırýs anyqtaldy.

Qazirgi ýaqytta koronavırýsty juqtyrǵandar sany 28 012 adamǵa jetti, táýir bolǵandar sany – 24 798. Qaýipti ınfektsııadan qaıtys bolǵandardyń sany da artqan. Tek ótken táýlikte 5 adam kóz jumyp, qaıtys bolǵandar sany 249 adamǵa jetti.