SQO-da ótken táýlikte bir aıdyń normasynan artyq qar jaýdy
PETROPAVL. QazAqparat – Soltústik Qazaqstan oblysynda ótken táýlikte qatty boran soǵyp, bir aıdyń normasynan artyq qar jaýdy, dep habarlaıdy QazAqparat tilshisi.
«Qazgıdromet» RMK SQOF málimetinshe, óńirdiń aýa raıyna ótken táýlikte Ońtústik Kaspııden kelgen tsıklon áser etken.
Saldarynan keı jerlerde bir aıdyń normasynan artyq qar jaýdy.
Máselen Petropavlda bir aıdyń ortasha jaýyn-shashyn mólsheri 17 mm bolsa, 18 aqpan men 19 aqpannyń túninde 16,1 mm qar jaýǵan.
Qyzyljar aýdanynda aılyq normadan eki ese - 21 mm, Esil aýdanynda norma 9-13 mm bolsa, ótken táýlikte 16,8 mm, sondaı-aq, Tımırıazev, Taıynsha, Jambyl jáne Ǵ.Músirepov atyndaǵy aýdandarda da bir aıdyń normasyndaı qar jaýǵan.
Al 19 aqpan óńirge antıtsıklon kelip, aýa temperatýrasy aıtyrlyqtaı tómendeıdi.
Sınoptıkterdiń boljamynsha keı jerlerde qar jaýyp, boran turady.
Jeldiń ekpini sekýndyna 23-28 metrge deıin jetýi múmkin. Túnde -20-25, kúndiz -15-23 aralyǵynda bolmaq.
Buǵan deıin SQO-da qatty borannyń saldarynan adasyp ketken jigit pen 7 jasar balanyń qutqarylǵanyn aıtqan edik.
Sondaı-aq borannan 400-den astam úı elektr qýatynsyz qaldy.
