10:03, 20 Tamyz 2021 | GMT +5
SQO-da ótken táýlikte 6 adam koronavırýstan qaıtys boldy
PETROPAVL. QazAqparat – Soltústik Qazaqstan oblysynda koronavırýs juqtyrǵan 67 adam aýyr halde jatyr, ótken táýlikte 6 adam qaıtys boldy, dep habarlaıdy QazAqparat tilshisi.
SQO densaýlyq saqtaý basqarmasy baspasóz qyzmetiniń málimetinshe, ótken táýlikte óńirde 171 adam koronavırýs juqtyrǵan. Osylaısha, jalpy aýyrǵandar sany 21 myńǵa jýyqtady.
Qazirgi ýaqytta ınfektsııalyq statsıonarlarda 759 adam em alyp jatyr. Taǵy 1240 adam ambýlatorlyq emdelýge jiberilip, dárigerlerdiń baqylaýyna alynǵan.
Jalpy oblysta koronavırýs juqtyrǵandarǵa arnalǵan 1715 oryn bar. Búginde ol 44 %-ǵa tolyq.
Jansaqtaý bólimderinde jaǵdaıy aýyr 67 syrqat jatyr. Tek ótken táýlikte 6 adam qaıtys boldy. Osylaısha, SQO-da koronavırýstan kóz jumǵandardyń sany 95-ke jetti.