SQO-da ótken praımerızde 25,9 myń adam daýys bergen
«Nur Otan» partııasy SQOF baspasóz qyzmetiniń málimetinshe, praımerızge qatysqan úmitkerlerge soltústikqazaqstandyq nurotandyqtadyń 91,2% , ıaǵnı 25 989 adam daýys berdi. Olardyń 18 myńnan astamy tańdaýyn onlaın jasasa, partııanyń 7,5 myńnan astam múshesi saılaý ýchaskelerine kelip, bıýlletender boıynsha dástúrli túrde daýys berdi.
«Jalpy oblysta partııanyń 14 fılıaly boıynsha 200 saılaý ýchaskesi jumys istedi. Petropavl qalasy jáne árbir aýdan boıynsha daýys berý nátıjelerimen «Nur Otan» partııasynyń saıtynda jáne primaries.kz saıtynda tanysýǵa bolady. Barlyq qaǵaz bıýlletender eseptelip, 5 qazan dúısenbide ortalyq uıymdastyrý komıtetine jetkizildi», - deıdi «Nur Otan» partııasy SQO fılaly tóraǵasynyń birinshi orynbasary Ásem Rahmetova.
Ýchaskelerdegi jumysty uıymdastyrý komıtetiniń, partııalyq baqylaý komıssııasynyń ókilderi jáne partııa músheleri baqylady. Daýys berý kezinde partııalyq baqylaý komıssııasyna 3 shaǵym tústi.
SQO boıynsha praımerızge 632 adam qatysty. Onyń ishinde 40% - áıelder, 26% - 35 jasqa deıingi jastar. Úmitkerler qatarynda 11 kópbalaly ana, 5 múmkindigi shekteýli jan boldy. Qatysýshylardyń 45% bilim jáne ǵylym salasynan, 12,6% - shaǵyn jáne orta bıznes jáne 10,7% - aýyl sharýashylyǵy salasynan.
Úgit-nasıhat júrgizýge barlyq úmitkerlerge teń múmkindik berildi. Kandıdattar saılaýshylarmen 6,5 myńǵa jýyq kezdesý ótkizip, 123 500 adamdy qamtydy.
«Qoǵamdyq pikirtalas erekshe qyzyǵýshylyq týdyrdy. Tikeleı efırler arqyly 100-den astam pikirsaıysty onlaın rejıminde 10 myńǵa jýyq adam qarady. Qatysýshylardyń árqaısy ózekti - densaýlyq saqtaýdy, bilim berýdi, týrızmdi damytý, shaǵyn jáne orta bıznesti, halyqtyń áleýmettik osal toptaryn qoldaý, turǵyn úı qurylysy, abattandyrý sekildi máselelrdi qozǵady. Ókinishke oraı, keı kandıdattar belgili sebepter boıynsha pikirtalastarǵa qatysa almady. Debattan bas tartqan 9 úmitker jarystan shyǵaryldy», - dedi Ásem Rahmetova.
Endi partııanyń qalalyq jáne oblystyq fılıaldarynyń konferentsııalarynda aýdandyq jáne qalalyq máslıhattardyń saılaýyna usynylatyn partııalyq tizimder bekitiledi. Sol jerde oblystyq máslıhat pen Parlament Májilisine kandıdattar arasynda pikirsaıys ótedi. Sodan keıin jasyryn daýys berý arqyly delegattar oblystyq máslıhattar men Parlament Májilisiniń saılaýyna usyný úshin kandıdattardy tańdaıdy.
