SQO-da otbasynda japa shekken 7 áıel qoldaý ortalyǵyn panalady
SQO Polıtsııa departamenti baspasóz qyzmetiniń málimetinshe, Petropavlda 15-18 maýsym aralyǵynda «Otbasynda zorlyq-zombylyqqa jol joq» aktsııasy ótip jatyr. Іs-shara barysynda otbasynyń shyrqyn alatyndar tekserilip, turmystyq zorlyq-zombylyq qurbandarymen profılaktıkalyq áńgime júrgiziledi. Polıtseılerdiń aıtýynsha, áıelderdiń kópshiligi quqyǵyn bilmeıdi. Mysaly, bıyldan bastap «úı tırandary» bylapyt sóılegeni, qorlaǵany úshin 5 táýlikke, al qol kótergeni úshin 15 táýlikke qamaýǵa alynady.
Ýchaskelik ınspektorlar zardap shekken áıelder narazylyq bildirmese de qorǵaý uıǵarymyn shyǵara beredi. Bul qujat zardap shegýshiniń kelisiminsiz kezdesýge nemese alkogol ishýge tyıym salady.
Petropavldaǵy Jumysshy kentinde turatyn 45 jastaǵy er adamǵa qatysty buryn qorǵaý uıǵarymy shyǵarylǵan. Ol ishimdiktiń saldarynan otbasynan aıyrylǵan, qazir sheshesimen turady, alaıda oǵan da kún kórsetpeıdi. Tekserý barysynda er adamnyń mas ekendigi anyqtaldy. Endi qorǵaý uıǵarymyn buzǵan ol 5 táýlikke deıin qamaýǵa alynýy múmkin.
«Jyl basynan oblysta 1159 qorǵaý uıǵarymy shyǵarylsa, onyń 50-i buzylǵan. 257 soltústikqazaqstandyqqa qatysty sot quqyq buzýshylardyń minez-qulqyna erekshe talaptar qoıdy — bul kelesi yqpal etý sharasy. Polıtsııanyń jumysy turmystyq janjaldan bolatyn aýyr zardaptardyń aldyn alýǵa baǵyttalǵan. SQO-da bıyl 24 áıelge dene jaraqaty keltirildi», - deıdi SQO PD bastyǵynyń birinshi orynbasary Qanat Aıtbaev.
Polıtseıler turmystyq zorlyq-zombylyq máselesin sheshýdiń basty joly halyqtyń quqyqtyq saýattylyǵyn arttyrýda dep esepteıdi. Turmystyq zorlyq-zombylyqtan zardap shekken áıelderdi «102» qyzmetine, 8 7152 39-48-56 jáne 8 708 432 45 61 nómirlerine habarlasa alady. Olarǵa polıtsııa qyzmetkerleri, áıelderdi qoldaý ortalyǵy jáne SQO áıelder kúshteriniń alıansy sııaqty qoǵamdyq uıymdardyń ókilderi kómektesýge árqashan daıyn.
Barar jeri joq áıelder jarty jylǵa deıin áıelderdi qoldaý ortalyǵyna ornalasa alady, onda olarǵa zańdyq kómek kórsetiledi jáne qarjylyq táýelsizdik alýǵa baǵdar beriledi. Jyl basynan beri munda 7 áıel balalarymen, barlyǵy - 14 adam qabyldandy.
