SQO-da órtengen úıden eki adamnyń denesi tabyldy
PETROPAVL. QazAqparat – Soltústik Qazaqstan oblysy Smırnov eldimekeninde jeke úı órtenip, órt sóndirýshiler oqıǵa ornynan er adam men áıeldiń denesin tapty, dep habarlaıdy QazAqparat tilshisi.
SQO Tótenshe jaǵdaılar departamenti baspasóz qyzmetiniń málimetinshe, Aqqaıyń aýdanynyń Smırnov aýylyndaǵy úı janyp jatqandyǵy jóninde habar órt sóndirý qyzmetine saǵat 13.40 mınýt ketkende túsken. Oqıǵa ornyna jetken mamandar Jambyl kóshesindegi 63-úıden 49 jastaǵy er adam men 46 jastaǵy áıeldiń denesin alyp shyqty. Mamandar órt temeki tuqylynan shyqty dep boljap otyr.
Al Petropavl qalasynda Abaı kóshesindegi 59-úıde shyqqan órtte denesiniń 75% kúıik alǵan er adamdy qutqarý múmkin bolmady.
«2 qazan kúni Petropavldaǵy toǵyz qabatty úıdiń 6-qabatyndaǵy eki bólmeli páterden órt shyqty. Mamandar 1973 jyly týǵan er adamdy aýyr halde alyp shyǵyp, ol 3-qalalyq aýrýhanaǵa jetkizildi. Alaıda qatty kúıik alǵan er adam 3 qazan kúni qaıtys boldy. Kórshileriniń aıtýynsha, ol ishimdikke áýes bolǵan. Órttiń shyǵýyna sóndirilmegen temeki tuqyly sebep boldy», - deıdi oblystyq TJD bastyǵynyń orynbasary Nurlan Atyǵaev.
Jalpy, jyl basynan SQO-da 497 órt bolyp, 38 adam qaza tapty. 13 adam jaraqat aldy.
