SQO-da órtengen turǵyn úıden jalǵyzilikti áıeldiń denesi tabyldy
PETROPAVL. KAZINFORM – Soltústik Qazaqstan oblysy Aıyrtaý aýdanynda jeke turǵyn úıden órt shyǵyp, 73 jastaǵy áıel qaıtys boldy.
SQO Tótenshe jaǵdaılar departamenti baspasóz qyzmetiniń málimetinshe, Novoýkraınka eldi mekeni, Armıanskaıa kóshesinde turǵyn úıdiń órtenip jatqandyǵy týraly habar «101» jedel arnasyna búgin saǵat 1.30 shamasynda túsken. Aýylǵa eń jaqyn órt sóndirý bólimshesi 10 km qashyqtyqta ornalasqan.
«Turǵyn úıdiń jalpy aýmaǵy 200 sharshy metr, órt 96 sharshy metr aýmaqty sharpydy. Oqıǵa ornynan osy úıdiń ıesi 1951 jyly týǵan áıeldiń denesi tabyldy. Kórshileriniń aıtýynsha, ol jalǵyz turyp kelgen. Aldyn ala boljam boıynsha, peshti paıdalanýda órt qaýipsizdigi talaptaryn saqtamaǵan», - delingen habarlamada.
Órtti jeke quramnan 6 adam jáne 2 arnaıy tehnıka úsh saǵattyń ishinde tolyq sóndirdi.
