SQO-da órtengen avtobýstyń júrgizýshi mert boldy
PETROPAVL. QazAqparat - Soltústik Qazaqstan oblysynda avtobýs apatqa ushyrap, júrgizýshi qaza tapty, dep habarlaıdy QazAqparat tilshisi.
Oqıǵa bolǵan jerde túsirilgen kadrlar áleýmettik jelide jarııalandy. Oblystyq ishki ister departamenti Kamaz ben avtobýstyń soqtyǵysyp qalǵanyn rastady. Apat «Astana - Petropavl» tasjolynyń boıynda Aqqaıyń aýdanynda bolǵan.
«Eki kólik soqtyǵysyp qalǵanda jeke uıymǵa tıesili avtobýs órtke oranǵan. Avtobýs júrgizýshisi jol apaty bolǵan jerde qaza tapqan, kólikte jolaýshylar bolmaǵan. Oqıǵa ornynda Aqqaıyń aýdandyq ІІB tergeý-jedel toby, TJ, jol-patrýldik polıtsııasynyń qyzmetkerleri jumys istep jatyr», - dep túsindirdi baspasóz qyzmeti.
«Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy» qylmystyq baby boıynsha sotqa deıingi tergeý jumystary bastaldy. Qazir jol apatynyń mán-jaıy anyqtalyp jatyr.
