SQO-da ortasha jalaqy kólemi 113 myń teńgeni qurady
PETROPAVL. QazAqparat - Soltústik Qazaqstan oblysynyń statıstıka mamandary bir jumyskerdiń ortasha aılyq jalaqysyn eseptep shyǵardy, dep habarlaıdy QazAqparat tilshisi.
Ortasha aılyq jalaqy kólemi 113 336 teńgeni qurady.
Salalyq qurylym boıynsha alatyn bolsaq, eń joǵarǵy jalaqy taý-ken ónerkásibi jáne karer óńdeý salasynda bolyp shyqty. Bul salanyń jumyskerleri orta eseppen alǵanda 220 100 teńge jalaqy alady, bul oblys boıynsha ortasha kórsetkishten 1,9 ese joǵary. Qarjy jáne saqtandyrý salasy qyzmetkerleriniń aılyq tabysy - 219 554 teńge. Kólik jáne qattaý salasynda ortasha jalaqy 174 127 teńgeni qurady.
Statıstıka mamandary jalaqysy tómen salalardy da anyqtady. Eń tómengi tabys óner, oıyn-saýyq jáne demalys salasy mamandaryna tıesili eken - 75 064 teńge. Biraq ákimshilik jáne kómekshi qyzmet kórsetýshi salada jalaqy odan da az bolyp shyqty - 72 751 teńge.
