SQO-da órt sóndirý qyzmetiniń burynǵy basshysy para alǵany úshin sottaldy

PETROPAVL. QazAqparat – Soltústik Qazaqstan oblysynda Tótenshe jaǵdaılar departamenti órt sóndirý jáne avarııalyq-qutqarý jumystary qyzmetiniń burynǵy basshysyna para alǵany úshin jaza kesildi, dep habarlaıdy QazAqparat tilshisi.

SQO Sybaılas jemqorlyqqa qarsy qyzmet mamandarynyń málimetinshe, vedomstvo «SQO TJD Órt sóndirý jáne avarııalyq-qutqarý jumystary qyzmeti» MM basshysy G.Ibraevqa qatysty sotqa deıingi tergeýdi aıaqtady.

Burynǵy basshy 1 200 dollar kóleminde para alý kúdigine ilingen edi. Ol bul somany kásiporyn dırektorynan jalpy qamqorlyǵyna alǵany úshin jáne antenna qurylǵysyn ornatý jóninde jumysty oryndaldy dep aktilerge kedergisiz qol qoıǵany úshin alǵan.

19 naýryzda Petropavl qalalyq sotynyń úkimimen Ibraev 3 jyl 6 aıǵa bas bostandyǵynan aıyryldy. Sondaı-aq endi ol ómir boıyna memlekettik qyzmette laýazymdy jumys atqara almaıdy.