SQO-da órt oqıǵalary jıiledi
PETROPAVL. QazAqparat - Soltústik Qazaqstan oblysynda 5 mamyr kúni órt sóndirýshiler 30-ǵa jýyq shaqyrtý aldy dep habarlaıdy QazAqparat tilshisi.
SQO Tótenshe jaǵdaılar departamenti baspasóz qyzmetiniń habarlaýynsha, óńirde órttiń shyǵýy jıilep ketti. Onyń sebebi turǵyndar kóp jaǵdaıda qaýipsizdik erejelerin saqtamaıdy. Úı-jaıdyń qasynda kepken shóp pen qoqys órteýdiń sońy baıqamasa, órtke ulasýy múmkin.
Sondaı órtterdiń biri Petropavldaǵy «Romashka» saıajaı kooperatıvinde boldy. Saıajaı aýmaǵynda 9 gektar jer órtke orandy. №2 shaqyrtý boıynsha tilsiz jaýmen kúreske barlyq kúsh jumyldyryldy. Oqıǵa ornynda 7 tehnıka, jeke quramnyń 30 adamy jumys istedi. Shamamen bir saǵattyń ishinde jalyn tolyqtaı aýyzdyqtaldy.
Órt sóndirýshilerdiń aıtýynsha, úsh saıajaı úıi janyp ketti. Mamandardyń jumysyn kirme joldardyń bolmaýy jáne qatty jel qıyndatyp jibergen.
Jalpy, óńirde kóktem shyqqaly 30 gektar alqapta 5 orman órti jáne 200-den astam shóp pen qoqys janǵan. Ákimshilik jaýapqa 39 kináli tulǵa tartylyp, 303 myń teńgege aıyppul salynǵan.
