SQO-da orman sharýashylyqtarynda eńbek zańnamasyn buzý faktileri anyqtaldy
ASTANA. KAZINFORM – Soltústik Qazaqstan oblysynyń mamandandyrylǵan tabıǵat qorǵaý prokýratýrasy orman sharýashylyǵy mekemelerinde eńbek zańnamasynyń saqtalýyn taldaý barysynda zańnamanyń birqatar buzýshylyqtaryn anyqtady.
Orman sharýashylyqtarynyń laýazymdy adamdary orman sharýashylyqtarynyń 33 qyzmetkerimen jasalǵan eńbek sharttary týraly mindetti málimetterdi eńbek sharttaryn esepke alýdyń biryńǵaı júıesine engizbegen, bul Eńbek kodeksiniń talaptaryna qaıshy keledi jáne azamattardyń eńbek qatynastaryn tıisinshe resimdeý, eńbek ótilin rastaý quqyǵyn shektegen.
Sonymen qatar, jumys ýaqytyn esepke alý tártibinde zań buzý anyqtaldy, sonyń nátıjesinde jekelegen qyzmetkerlerge olardyń jumys ornynda naqty bolmaǵan kezeńderi, onyń ishinde Qazaqstan Respýblıkasynan tys jerlerde bolǵan kúnderi úshin jalaqy eseptelip, tólengen.
Qabyldanǵan sharalarmen 33 qyzmetkerdiń quqyqtary qalpyna keltirildi-eńbek sharttary týraly málimetter EShEABJ-ne tolyq kólemde engizildi, azamattardyń ózderiniń eńbek qyzmeti týraly aqparatqa qoljetimdiligi qamtamasyz etildi. Negizsiz tólengen jalaqy somasy bıýdjetke óteldi, 19 laýazymdy tulǵa tártiptik jaýapkershilikke tartyldy.
Aıta ketelik Qostanaı oblysynda qurylys talaptaryn buzǵan kompanııalar jaýapkershilikke tartyldy.