SQO-da orman brakonerleri 280 tekshe metr aǵashty zańsyz kesken
PETROPAVL. QazAqparat - Ótken jyly SQO memlekettik orman kúzetiniń qyzmetkerleri zańbuzýshylyqtardy anyqtaý maqsatynda 932 reıd ótkizgen, dep habarlaıdy «QazAqparat» HAA tabıǵı resýrstar jáne tabıǵat paıdalanýdy retteý basqarmasyna silteme jasap.
Júrgizilgen reıd qoryndylaryna sáıkes, zańsyz aǵash kesýge baılanysty 58 qylmystyq is qozǵalǵan. Orman brakonerleri 284 tekshe metr aǵashty zańsyz kesip, memleketke 1 mln teńge shyǵyn keltirgen. Aǵash kesýdiń 4 faktisi boıynsha kináliler anyqtalmaǵan.
«Ormandy aǵyndy sý arqyly búldirý , óndiristik qaldyq, ormanǵa qoqys tógý sııaqty 14 jaǵdaı tirkeldi. Keltirilgen 91,7 myń teńge shyǵyn tolyǵymen óteldi»,-dedi orman sharýashylyǵy bóliminiń bas mamany Aınur Tóltaeva.
Reıd barysynda barlyǵy 262 zańbuzýshylyq tirkelip, jalpy somasy 2 mln teńgeni quraıtyn 204 ákimshilik aıyppul salynǵan.
