SQO-da opıstorhozben aýyrýdyń 19 jaǵdaıy tirkeldi

PETROPAVL. KAZINFORM — Opıstorh parazıtterin juqtyrǵandardyń bireýi — bala.

Soltústik Qazaqstan oblysy sanıtarııalyq-epıdemıologııalyq baqylaý departamentiniń málimetinshe, opıstorhoz — baýyr, uıqy bezi, ót joldaryn zaqymdaıtyn sozylmaly aýrý. Dertti parazıtter, gelmıntter týdyrady.

Opıstorh parazıtteri ót joldarynyń shyryshymen, shyryshty qabyqtyń jasýshalarymen qorektenedi jáne saldarynan ishki aǵzada qan ketedi. 

Mamandardyń aıtýynsha, aýrýdyń negizgi belgisi — allergııa. Ol parazıtterdiń toksınder men olardyń zat almasý ónimderin bólýi saldarynan paıda bolady.

Dermatıt, ekzema, teriniń qyshýy, esekjemnen teri zaqymdanady jáne Kvınke isinýi túrinde bolady.

— Opıstorhozdy ýaqtyly emdemeý júıke júıesiniń buzylýyna ákeledi. Saldarynan syrqatta sharshaý, titirkený, uıqysyzdyq bolady, Basy aýyryp, aınalady. Tersheńdik, qabaqtyń, tildiń, saýsaqtardyń dirildeýi baıqalady. Bul aýrýdan ımmýnıtet álsirep, júrek-qan tamyrlary, júıke, nesep-jynys júıesi jáne qan zııan shegedi, — deıdi dárigerler.

Opıstorhoz aýrýy baýyrǵa, sondaı-aq ót qabyna, uıqy bezine, olardyń kanaldaryna jáne búkil asqazan-ishek joldaryna áser etedi.

Sol sebepti mamandar opıstorhozdyń aldyn alý úshin taǵamdy durys ázirleýge keńes beredi. Eń aldymen balyq pen et daıyndaý tehnologııasyn saqtaý kerek, zararsyzdandyrýǵa qaınaǵan sátten bastap keminde 20 mınýt termııalyq óńdeý arqyly qol jetkiziledi. Sondaı-aq, balyqty ystaý jáne tuzdaý tehnologııasyn saqtaý qajet.

As úı jabdyqtaryn taza ustaý opıstorhozdyń aldyn alýda mańyzdy ról atqarady, óıtkeni balyqpen kelgen opıstorhoz parazıtteri taqtaıshada qalyp, qural-jabdyqtarǵa juǵady.

Tuzdaý kezinde tuz kontsentratsııasy balyq salmaǵynan kem degende 14% bolýy kerek, balyqty tuzda kem degende 2 apta ustaý kerek. Qatty muzdatý opıstorhozdyń qozdyrǵyshtaryn joıa alady.

— Balyq aýrýdy juqtyrǵan jaǵdaıda ony bólshekteý kezinde aqshyl tústi kishkentaı, kólemi mıllımetrge deıin jetetin sharlardy kórýge bolady. Eger shardy ınemen alyp, jyly sýǵa salsańyz, onda ol uzyndyǵy bir jarym santımetrge deıin jetetin qurtqa aınalady. Dál osyndaı balyqtan adamǵa aýrý juǵady, — deıdi mamandar.

Buǵan deıin SQO-da úı qustarynyń neden qyrylǵanyn jazǵan edik.