SQO-da on kúnnen keıin kóktemgi ańshylyq maýsymy bastalady

PETROPAVL. QazAqparat – Soltústik Qazaqstan oblysynda on kúnnen keıin kóktemgi ań aýlaý maýsymy bastalady. Bıyl ol 15 kúnge ǵana sozylmaq, dep habarlaıdy QazAqparat tilshisi.

Ańshylarǵa oq-dárisin saılap, ań atýǵa qajetti ruqsatty ala berýge bolady. SQO boıynsha orman sharýashylyǵy jáne janýarlar dúnıesi aýmaqtyq ınspektsııasy bóliminiń basshysy Oleg Bespalovtyń aıtýynsha, óńirde, jalpy elimizde 22 sáýir kúni ań aýlaý maýsymy ashylmaq. Ol 6 mamyrǵa deıin jalǵasady. Bul aralyqta qur men úırektiń atalyǵyn atýǵa ruqsat berilmek.«SQO-da ań aýlaýǵa bolatyn 42 ańshylyq sharýashylyǵy bar. ıAǵnı, oblystyń 96% ań aýlaýǵa bolady. Bıyl kóktemde 2 myńǵa jýyq úırekti atýǵa ruqsat beriledi. Ańǵa shyqqan adamnyń ózimen birge qarý ustaýǵa ruqsaty, ańshylyq sharýashylyqtyń joldamasy jáne ańshynyń kýáligi bolýy kerek», - deıdi Oleg Bespalov.
Qujattardyń biri bolmaǵan jaǵdaıda ańshynyń is-áreketi brakonerlik dep baǵalanyp, aıyppul salynady. Zańsyz ańshylyq úshin 17 myń teńge aıyppul qarastyrylǵan. Al ruqsatsyz atylǵan ár úırek úshin qosymsha 25 myń teńgege deıin óndirilip alynady.
Mamandardyń aıtýynsha, bıyldan bastap ańshylarǵa qatysty talap ózgergen.
«Bıyldan bastap ańshy bolǵysy keletin adamnyń jasy 21-de bolýy tıis. Buryn 18 jastan asqandar tıisti rásimnen óte beretin», - deıdi Oleg Bespalov.