SQO-da on kúnde qarasora ósirýmen aınalysqan bes «fıtozerthana» anyqtalyp, joıyldy
PETROPAVL. KAZINFORM – Petropavldyń 47 jáne 27 jastaǵy bes turǵyny quramynda esirtki zattary bar ósimdikterdi ósirýmen aınalysty degen kúdikke ilindi.
Soltústik Qazaqstan oblysy polıtsııa departamenti baspasóz qyzmetiniń málimetinshe, kúdiktilerdi oblystyq polıtsııa departamenti esirtki qylmysyna qarsy is-qımyl basqarmasynyń qyzmetkerleri qylmys ústinde ustaǵan.
SQO PD bastyǵynyń orynbasary Asqar Muhametqalıevtiń aıtýynsha, tekserý kezinde olardyń úılerinen jaryqtandyrý qurylǵylary jáne basqa da qajetti quraldarmen jabdyqtalǵan «fıtoesirtki zerthanalary» tabyldy. Sondaı-aq qarasora ósindisi men onyń tuqymy alyndy. Nátıjesinde polıtseıler barlyǵy 22 túp «qarasora» jáne 250 gramǵa jýyq «marıhýana» men «gashısh» esirtki zattaryn tárkilep aldy. Tergeý júrip jatyr.
Esterińizge salaıyq, byltyr SQO-da byltyr bir esirtki zerthanasy joıyldy, 771 keli esirtki aınalymnan alyndy.
Al buǵan deıin SQO-da azyq-túlik baǵasy bir jylda qalaı ózgergenin jazǵan edik.