SQO-da on kún ishinde Armenııadan ákelingen 53 avtokólik tirkeldi
PETROPAVL. QazAqparat – Soltústik Qazaqstan oblysynda turǵyndar Armenııadan ákelingen kólikterin tirkep jatyr, dep habarlaıdy QazAqparat tilshisi.
SQO Polıtsııa departamenti baspasóz qyzmetiniń málimetinshe, 10 kún ishinde Armenııadan ákelingen 53 avtokólikke jańa nómir berildi.
Sheteldik kóligin tirkeýge qoıǵandardyń biri - Beıbit Qurmanǵojın. Egin egý naýqanynan qoly bosaǵan sharýa Petropavlǵa Aıyrtaý aýdanynyń Saýmalkól aýylynan keldi. Ol 2007 jyly shyqqan «Honda pilot» markaly kóligin Armenııadan byltyr kúzde satyp ákelgen.
«Bul istiń kóńildegideı aıaqtalǵany jaqsy boldy. Árıne, buǵan deıin tirkeýge bolmaıdy degende qobaljydym. Endi esepke qoıýǵa bolatynyn estip, qol bosasymen birden zań boıynsha rásimdeýge keldim. Birer saǵattyq jumys eken, barlyǵyna rahmet aıtamyn», - deıdi sharýa qojalyǵynyń basshysy.
2020 jyldyń 1 aqpanyna deıin elge jetkizilgen, rýli sol jaqta ornalasqan armenııalyq avtokólikterdi 1 maýsymnan bastap tirkeý júrip jatyr.
«Kólik quraldaryn tirkeý úshin kólik ıeleri jeke kýáligin, memlekettik tirkeý úshin alym jáne memlekettik baj tólengeni týraly túbirtek, kólik quraldaryn tirkeý týraly kýáligin jáne Armenııa Respýblıkasynyń ýákiletti organymen berilgen memlekettik tirkeý nómirlik belgilerin usynýy qajet. Sonymen qatar, qujattar qazaq nemese orys tilderine aýdarylyp, notarıýspen rastalýy tıis», - deıdi protsessıngtik ortalyqtyń bastyǵy Áset Máten.
