SQO-da oqýǵa túsirem dep 200 myń teńge para alǵan oqytýshy sottaldy

PETROPAVL. QazAqparat - Soltústik Qazaqstan oblysynda Memlekettik qyzmet isteri jáne sybaılas jemqorlyqqa qarsy is-qımyl agenttiginiń tóraǵasy Alık Shpekbaevtiń qatysýymen óńir aktıviniń otyrysy ótti, dep habarlaıdy QazAqparat tilshisi.

Sybaılas jemqorlyqqa qarsy is-qımyl ulttyq bıýrosy departamentiniń basshysy Asqat Jumaǵalıdiń aıtýynsha, turmystyq sybaılas jemqorlyqqa erekshe mán beriledi. Óıtkeni ol keıin iri kólemdegi paraǵa negiz bolady.

«Jedel aqparatty jáne azamattardan túsetin ótinishterdi taldap-saralaı kele jol polıtseıleriniń para alý múmkindigi joǵary ekenin anyqtadyq. Petropavlda 80 myńǵa jýyq avtojúrgizýshi bar. Kúndelikti kezekshilikke 35 avtopatrýl ekıpajy shyǵady. Bizdiń shamalaýymyzsha, jylyna bir ret bolsyn árbir 10 júrgizýshiniń 9-y joldaǵy jemqorlyqqa urynady. Jedel is-sharalar bul boljamymyzdy rastady. Para alýdy daǵdyǵa aınaldyrǵan jol polıtseıleriniń qylmysy áshkerelendi. Qazir qylmystyq jaýapkershilikke tartylýda. Olar óz kinásin moıyndady. Jaqynda is sotqa jiberiledi», - dedi Asqat Jumaǵalı.

Para bergen júrgizýshiler de jaýapkershilikke tartyldy. Olar jazasyn ótep jatyr. Sondaı-aq aıyppul tóledi.

«Eger para bermeı aıyppuldy tólegende, munyń bári bolmas edi, ári bir aptanyń ishinde tólese, aıyppuldyń mólsheri eki ese azaıady. Osy iske qatysty bizdiń usynysymyz qaraldy. Polıtsııanyń 15 qyzmetkeri jazalandy. Olardyń tikeleı bastyqtary jumystan shyǵaryldy. Patrýl polıtsııasynyń serjanttyq quramyn ofıtserlikke aýystyrýy - durys sheshim. Olardyń eńbekaqysy ósip, para alý múmkindigi tómendedi», - deıdi Asqat Jumaǵalı.

Bilim berý salasynda sybaılas jemqorlyqqa qarsy qyzmet sońǵy úsh jylda zańbuzýshylyqtyń 12 faktisin tirkedi. Byltyr Áskerı ınstıtýtta, bıyl medıtsınalyq kolledjde anyqtaldy. Ulttyq bıýro departamenti basshysynyń aıtýynsha, 200 myń teńgege oqý ornyna túsirmek bolǵan oqytýshyǵa jaza kesildi. Kolledjdiń basshysy men basqa qyzmetkerlerine qatysty para alý deregi boıynsha is aıaqtalyp, jaqynda sotqa berilmek.

Ulttyq bıýro departamentinde balalar alańynyń qurylysyna qatysty oqıǵa tekserildi. Sybaılas jemqorlyqqa qarsy qyzmetke «Jasa» JShS jetekshisi aryzdanǵan. Byltyr qazan aıynda qalalyq ákimdiktiń ókili kásipkermen 4,7 mln teńgege balalar alańyn salý týraly kelisimge otyrǵan. Merdiger óz jumysyn ýaqytynda oryndaǵanymen tıisti eńbekaqysyn almaǵan.

«Sheneýnik bıýdjette qarajat bolmasa da, qarjy mekemesinde tirkelmese de, kelisimshartqa otyryp, zańdy óreskel buzǵan. ıAǵnı, kásipkerdi aldaǵan. Ákimdik qyzmetkeri osy jaǵdaıǵa baılanysty jarytyp eshteńe aıtpaı, túsinik berýden bas tartty. Qazir sotqa deıingi tergeý júrip jatyr», - deıdi departament basshysy Asqat Jumaǵalı.