SQO-da oblystyq mańyzdaǵy barlyq joldar jabyq
PETROPAVL. QazAqparat - Soltústik Qazaqstan oblysynda oblystyq mańyzdaǵy joldar barlyq kólik túrleri úshin jabyldy, dep habarlaıdy «QazAqparat» HAA.
Tótenshe jaǵdaılar departamenti baspasóz qyzmetiniń aqparattary boıynsha, aýa raıynyń buzylýyna baılanysty joldaǵy qozǵalys saǵat 18-30-dan bastap shekteldi.
Óńirde jel kúsheıip, jaıaý burqasyn soǵyp, qar jaýyp jatyr. Sonyń saldarynan joldy kórý múmkindigi qıyndady.
Saǵat 16:00-den bastap, oblysta respýblıkalyq baǵyttaǵy Ǵ.Músirepov aýdanynyń Rýzaevka aýylynan Aqmola oblysynyń shekarasyna deıingi M-36 «Ekaterınbýrg-Almaty» baǵytynyń 795-856 kılometrinde barlyq kólik túrleri úshin jol jabyldy.
