SQO-da oblys ákimi «Pamıat» qoǵamdyq qorynyń tóraǵasyn mereıtoıymen quttyqtady
PETROPAVL. QazAqparat - Erik Sultanov oblystyń Qurmetti azamaty, «Pamıat» qoǵamdyq qorynyń tóraǵasy Bolat Saǵyndyqovty 80 jyldyq mereıtoıymen quttyqtady. Bul týraly oblys ákiminiń baspasóz qyzmeti habarlady.
«Sizdiń belsendi ómirińiz ben eńbek jolyńyz jarqyn oqıǵalar men tabystarǵa toly. Biz sizdiń kóp jyldyq qyzmetińiz ben óńirdiń damýyna qosqan úlesińizdi joǵary baǵalaımyz. Shyn júrekten Sizge jáne jaqyndaryńyzǵa myqty densaýlyq, baqyt, jaqsylyq pen amandyq tileımin», - dep quttyqtady oblys ákimi.
Bul kúni mereıtoı ıesin oblystyq ardagerler keńesiniń tóraǵasy Eskendir Eleýsizov, Petropavl qalasynyń Qurmetti azamaty, eńbek ardageri Grıgorıı Kýhar, qoǵam qaıratkeri Ǵazız Esmuqanuly, «Soltústik Qazaqstan» gazetiniń bas redaktory Jarasbaı Súleımenov quttyqtady.
Bolat Saǵyndyqov Sergeev aýdanynyń «Zarıa» keńsharynda partkomynyń hatshy bolyp saılanǵan, Tımırıazev aýdanynyń «Moskvoretskıı» keńsharynyń dırektory, oblystyq aýyl sharýashylyǵy basqarmasy basshysynyń I orynbasary, oblystyq jemis-kókónis ónimi birlestiginiń bastyǵy, Beskól aýdanynyń «Ozernyı» keńshary dırektory qyzmetin atqarǵan. Onyń eńbegi kóptegen marapattarǵa ıe bolǵan.
Bolat Saǵyndyqov Petropavl qalasyndaǵy saıası qýǵyn-súrginge ushyraǵan 8 myńǵa tarta azamattyń esimderdi jazylǵan eskertkish pen qabyrǵanyń qurylysynyń bastamashylarynyń biri.
