SQO-da oblystyq, aýdandyq mańyzdaǵy 15 joldy sý shaıyp ketti
PETROPAVL. KAZINFORM – Soltústik Qazaqstan oblysynda sý basqan avtomobıl joldarynyń sany 15-ke jetti. Oqıǵa ornynda kezekshilik uıymdastyrylyp, jaǵdaı baqylaýǵa alyndy.
SQO Tótenshe jaǵdaılar departamenti baspasóz qyzmetiniń málimetinshe, tańerteńgi saǵat 9.00-degi jaǵdaı boıynsha oblystyq mańyzy bar eki, aýdandyq mańyzy bar 13 jol ýchaskesin sý basty. Qazirgi ýaqytta arnaıy belgiler qoıyldy. Jergilikti atqarýshy organdar jáne polıtsııa qyzmetkerleri kezekshilik atqaryp jatyr.
Turǵyn úılerge sý kirmeýi úshin ótken bir táýlikte kósheler men aýlalardan 34 myń tekshe metrden astam sý soryldy. 3 myń 600 m aryq tazartylyp, sý jolyna 3 myńnan astam qum toltyrylǵan qap qoıyldy.
Taıynsha, Tımırıazev, Ǵ.Músirepov, Ýálıhanov jáne Aıyrtaý aýdandarynda óńirdiń jáne Túrkistan oblysynyń tótenshe jaǵdaılar departamentiniń toptyq bólimsheleri - 114 adam jumys istep jatyr, Olar qajetti tehnıkamen, motopompalarmen qamtylǵan.
Buǵan deıin Esil ózeniniń sý deńgeıi kóterilip kele jatqanyn aıtqan edik.
SQO-da sý tasqynynyń sharyqtaý shegi osy aptanyń sońyna boljanǵan.
