SQO-da negizsiz jumsalmaq bolǵan 225 mln teńge bıýdjetke qaıtaryldy
PETROPAVL. KAZINFORM — Soltústik Qazaqstanda oblysynda prokýrorlar memlekettik satyp alý salasynda zań buzýshylyqtardy anyqtady. Qadaǵalaý organynyń málimetinshe, júrgizilgen taldaý barysynda eki aýdanda óreskel zań buzý derekteri anyqtalǵan.
Atap aıtqanda, Jambyl aýdanynda aýdandyq ekonomıka jáne qarjy bóliminiń basshylary kóshelerdi ortasha jóndeý jumystaryna 213,8 mln teńge mólsherinde memlekettik satyp alý júrgizgen.
Alaıda, bul jer ýchaskeleriniń tıimti qujattary bolmaǵan. Al Taıynsha aýdanynda bilim bólimi pedagogtardy medıtsınalyq tekserýden ótkizýge 13 mln teńge bólgen. Biraq satyp alýǵa Densaýlyq saqtaý mınıstrliginiń talaptarynda joq qosymsha qyzmetter engizilgen. Olardyń qatarynda dermatovenerolog, nevropatolog sııaqty dárigerlerdiń qabyldaýy, zerthanalyq taldaýlar jáne áıelderdiń qaraý kabınetiniń qyzmetteri bar.
Prokýrorlardyń narazylyq aktileri negizinde bul satyp alýlardyń kúshi joıyldy. Qazirgi ýaqytta kináli laýazymdy tulǵalardy jaýapkershilikke tartý sharalary qabyldanyp jatyr. Jalpy, jyl basynan beri prokýrorlar 17 memlekettik satyp alýdy toqtatyp, 225 mln teńgeden astam bıýdjet qarajatynyń negizsiz jumsalýyna jol bermedi.
Buǵan deıin Pavlodarda memlekettik satyp alýlar zańnamasyn buzǵan sheneýnikter jazalanǵanyn jazǵan edik.
