SQO-da naýqastarǵa dıagnozdy kompıýter qoıady

PETROPAVL. QazAqparat - Petropavldyq dárigerler Qazaqstanda birinshi bolyp jasandy aqyl-oı júıesin engizdi, dep habarlaıdy QazAqparat 24.kz silteme jasap.

Oblystyq aýrýhanada ókpe patologııasyn dál kórsetetin baǵdarlama iske qosyldy. Endi rentgen túsirilimin adam emes, kompıýter anyqtaıdy. Anna Golýbeva jasandy aqyl-oı júıesin búge-shúgesine deıin biledi. Dáriger bir jyl boıy 6 myń rentgen túsirilimin qarap shyǵyp, jıi kezdesetin 9 aýrý belgisin anyqtady. Endi naqty dıagnozdy kompıýter qoıady.

«Mysaly, myna bir túsirilimde ókpedegi sary sý - 98 protsent. Ol ýltradybysty zertteý kezinde rastaldy. Al dáriger ony kórmeýi de múmkin edi», - deıdi sáýlelik dıagnostıka bólimshesiniń meńgerýshisi Anna Golýbeva.

Bul Qazaqstan medıtsınasyna engizilgen birinshi baǵdarlama. Tsıfrlandyrylǵan túsirilim dárigerdiń kompıýterine birden túsedi. ıAǵnı adam qateligine jol joq.

«Ár emdeý mekemesinde rentgenolog bar dep aıta almaımyn. Mysaly, bizdiń oblystyq aýrýhanada da maman keshki, túngi ýaqytta nemese demalys kúnderi bolmaıdy. Al kezekshi dáriger sáýlelik dıagnostıkany bilmeýi múmkin. Endi bul másele sheshildi», - dep atap ótti oblystyq aýrýhananyń bas dárigeri ıÝrıı Belonog.

Jasandy sana júıesin jasaýǵa bir tıyn da aqsha ketpepti. Bul - dárigerler men IT mamandarynyń birlesken jobasy. Endi ol naýqastardy qabyldaý bólmesine de engiziledi.